Wen ‘n Splinternuwe Landini Trekker

LANDINI-Kompetisie
LANDINIKOMPETISIE: Trekkerlekkerte! Me. Wendy Kirsten van die plaas Gemsbokkuil buite Darling is die wenner van die Landini Super 100DT-trekker wat in Landbouweekblad en Landini se groot trekkerkompetisie op die spel was. Kirsten is ’n getroue leser van Landbouweekblad en het elke maand vir die kompetisie ingeskryf.

Boervrou van Darling is Landini-wenner
’n Raakvat-boervrou van Darling in die Wes-Kaap het met ’n splinternuwe Landini Super 100Dt-trekker, ter waarde van R500 000, weggestap nadat sy getrou elke maand ingeskryf het vir Landini en Landbouweekblad se groot trekkerkompetisie.

Me. Wendy Kirsten is tydens Nampo Kaap op Bredasdorp as die gelukkige wenner uit meer as 9 000 inskrywings aangewys.

Die kompetisie het van einde April tot middel Augustus geduur, met ’n finalis wat elke maand aangewys is. Die vyf finaliste het van reg oor die land gekom. Me. Stella Jacobs van die distrik Boshof in die Vrystaat was die eerste finalis, Kirsten die tweede, me. Elizbe le Roux van Montagu die derde, mnr. Johan Pienaar van Cullinan die vierde en mnr. Attie van Rensburg van De Doorns die vyfde finalis. Al vyf finaliste is deur Landini na Nampo Kaap gebring vir die finale ronde, waar elkeen die geleentheid gekry het om ’n sak met Landini-ware te kies. Die wennersak het die sleutel vir die Landini Super 100DT bevat en Kirsten het die regte sak gekies.

“Ek het elke maand vir die kompetisie ingeskryf,” vertel sy en verduidelik dat sy elke uitgawe van Landbouweekblad van hoek tot kant deurlees – “tot die blokkiesraaisel ook!”

Wendy en haar man, Boetie, boer op die plaas Gemsbokkuil net buite Darling met skape en wyndruiwe. “Die trekker gaan baie nuttig te pas kom in ons boerdery. Boetie was net so opgewonde toe ek die Landini-trekker se sleutel uit die sak haal,” sê Wendy laggend.

Mnr. Callie Human, verkoopsbestuurder van Argo Landini Suid-Afrika, sê die kompetisie het beslis Landini se naam op almal se lippe geplaas. “Net uit die hoeveelheid inskrywings wat ons ontvang het, hetsy per e-pos of SMS, was dit duidelik dat boere belang stel in die handelsnaam. Ons hoop natuurlik dat die kompetisie ook sal bydra tot Landini se verkope in die toekoms, want ons het hiermee die geleentheid om ’n betroubare, duursame produk aan die plaaslike landbou bekend te stel.”

Vir die video : Landbouweekblad

agricoltura di precisione

Utilizzando il sito, accetti l'utilizzo dei cookie da parte nostra. maggiori informazioni

Questo sito utilizza i cookie per fonire la migliore esperienza di navigazione possibile. Continuando a utilizzare questo sito senza modificare le impostazioni dei cookie o clicchi su "Accetta" permetti al loro utilizzo.

Chiudi